ما تقولى ماله الفراق بيه يا زمانى
بعد ما فرقته رجع يصاحبنى تانى
خد منى اعز الناس ودايما يبقى معايا انانى
دايما ماشى معايا فى كل اركانى
اروح للحبيب يقف بينى وبينه
واروح للصديق القيه ملازمنى تانى
ما تقولى ماله الفراق بيه يا زمانى
تعبت من الوحده ومن كتم احزانى
تعبت ولا هو هنا ودايما القيه بين احضانى
تعبت ومش عارف ايه العمل
اقعد لوحدى .. ولا ادور على الحبيب من تانى
ما تقولى ماله الفراق بيه يا زمانى
ما تنسانى يا فراق وتفرق بينى وبين احزانى
دا ياما اخدت منى اعز حبايبى وسبتنى لوحدى اعانى
سبتنى دايما مهموم وشايل الحمل ودايما بتتحدانى
شايل وتعبت من الشيل وايه الى هيحصلى تانى
ما خلاص العمر راح والقلب انكسر
وانت الى بقيت صاحبى وانت الى عليا جانى
ما تقولى ماله الفراق بيه يا زمانى
موضوع: قلي يا زماني 
الثلاثاء مارس 03, 2009 1:38 pm
